Protokoll godkjent utan merknad
Sakene vert teke til vitande

Kristin Krogvold Fystro og Arnfinn Beito signerer protkollen frå forrige møte.

Tilråding samrøystes vedteke

Formannskapet i Øystre-Slidre gir etter jordlova § 12 løyve til frådeling av ei bustadtomt med kårbustad på om lag 1215 m2 frå eigedom gnr 45 bnr 79. Grunngjevinga for dette er  plassering og ein gunstig arrondering av tomta. Tomta skal nyttast som heilårsbustad. Formannskapet kan ikkje sjå at delinga vil føre til drifts- og miljømessige ulemper for jordbruket på eigedommen.

Formannskapet dispenserer frå arealdelen til kommuneplanen og godkjenner frådeling av 1215 m2 tomt til kårbustad. Grunngjevinga for dispensasjonen er at han ikkje strir mot dei omsyn som planen skal ivareta  og at det vil bidra til å styrke busetnaden i kommunen.

Dispensasjon er gjeve i medhald av plan og bygningslova § 19-2.

Vilkår for dispensasjon er at vilkår gitt av Innlandet fylkeskommune blir fylgt opp.

Samrøystes vedteke

Bente Oxhovd opplyste at ho er mediegar i Stølslie Biovarme AS og sa seg inhabil. Formannskapet slutta seg til denne vurderinga. Gunnar Thue møtte som vararepresentant.

Tilrådinga samrøystes vedteke

Med heimel i plan- og bygningslova § 20-3, jf. §20-1, godkjenner formannskapet bygging av trillestig frå fv.51 og opp til Rjupetjednet på omlag 250 meter, oppgrusing av eksisterande anleggsveg, og enkel tilrettelegging av eit areal ved Rjupetjednet i samsvar med innsendt prosjektering, på gnr. 53 bnr. 1.

Byggeløyve vert gjeve på følgjande vilkår:

· Det er eit vilkår at naudsynte ansvarsrettar er innhenta og godkjent før arbeidet blir

tatt opp att.

· Byggeløyvet gjeld i 3 år frå vedtaksdato.

· Kommunen ved teknisk drift har eit ansvar for å utforme informasjonskilt om

fiskereglar m.v. Kommunen pliktar og å sette i verk tiltak knytt til avfallshandtering

og sanitære tilhøve om kommunen etterkvart finn det naudsynt.

- Tilrettelegginga blir gjort så skånsamt som mogleg slik at tiltaket ikkje blir meir omfattande en høgst naudsynt.

- Kommunen må syte for at det blir sett opp naudsynte stengslar slik at stigen ikkje blir nytta til motorisert ferdsle og camping.

Bente Oxhovd opplyste at andre meiner ho er inhabil i saka sidan ho driv turistverksemd på Bygdin og bad om å få vurdert sin habilitet. Formannskapet fann Bente Oxhovd habil.

Tilrådinga samrøystes vedteke.

Med heimel i plan- og bygningslova § 19-2 gjev formannskapet dispensasjon frå arealføremålet i arealdelen til kommuneplana for bygging av ny turisthytte og nytt uthus gnr. 53, bnr. 1,feste 717 I Haldorbu. Grunngjevinga for dispensasjonen er at dette er ei tilrettelegging for friluftsliv i området, og tiltaket vil ikkje setja føremålet ved kommuneplanen til side. Dette er ei open hytte ogeigd av ein ideell organisasjon, og slik bidreg til friluftsføremålet. Fordelane ved tiltaket er langt større enn ulempene. Vedtaket i Langsua nasjonalparkstyre si sak 2019/4361-23 423.3 ligg til grunn for saka.

Med heimel i plan- og bygningslova § 20-3, jf. §20-1, godkjenner formannskapet riving av eksisterande sikringshytte, og bygging ny turisthytte med tilhøyrande uthus på gnr. 53, bnr.1, feste 717 i samsvar med søknad og innsendte teikningar

Byggeløyve vert gjeve på følgjande vilkår:

1. Avfall frå riving- og byggearbeidet skal leverast til godkjent mottak. Kvitteringslister for dette skal fylgje søknad om ferdigattest. Det er ikkje lov å brenne avfall på eigedomen.

1. Ansvarshavande for stikningsarbeidet skal varsle kommunen når bygget er plassert og høgdesett i marka. Kommunen kan føre tilsyn av plassering og høgdesetting.

1. Det skal takast særleg omsyn kulturlandskapet ved transport og gjennomføring av tiltaket. All transport på barmark skal skje i opprusta kjørespor.
2. Det vert føresett at Statskog og Langsua nasjonalparkstyre gir løyve til opprusting av køyrespor og forsterking av bruer

Arnfinn Beito la fram forslag til nytt pkt 4: Det vert føresett at Statskog og Langsua nasjonalparkstyre gir løyve til opprusting av køyrespor og forsterking av bruer.

Tilrådinga med tillegg av nytt pkt. 4 vart samrøystes vedteke

1. Kommunestyret vedtek reguleringsplan for Finntøpplie slik det går fram av vedlagt plankart dagsett07.04.2021 og vedlagte planføresegner dagsett 06.04.2021. Vedtaket er gjort i medhald av plan- og bygningslova § 12-12.
2. Deler av reguleringsplanane Skibru over Beitestølsvegen, vedteke 20.09.2018, reguleringsplan for Solbakkin, vedteke 31.01.2019 og reguleringsplan for skiløype Lomtjednet, vedtatt 31.01.2019, som blir påverka av ny Detaljregulering med namn Finntøpplie og planident 201811 inkludert alle seinare planendringar, delplaner og tilhøyrande føresegn, blir oppheva.

Bente Oxhovd opplyste at Stølslie Biovarme AS der ho er medeigar, har gitt merknader til planen og har interesse av utbygginga av fjernvarme i reguleringsområde, og bad om å få vurdert sin habilitet. Formannskapet fann Bente Oxhovd inhabil. Gunnar Thue møtte som vararepresentant.

Rådmann orienterte om merknad frå Christian Koller, dagsett 13.04.2021.

Areal+ har kommentert merknaden:

Atkomst til byggeområdene i Finntøpplie er plassert for å gi best mulig tilpasning til:

- Eksisterende terreng

- Begrense antall avkjørsler (fra Finntøpplie) da Finntøppvegen er planlagt overtatt av kommunen til kommunal veg og vi forventer økt trafikkbelastning, blant annet som følge av fremtidig utbygging i Størrtjednlie.

- Sikre løsning med håndtering av overvann (flomløp)

- Rasjonell fordeling av avkjørsler til byggeområdene fra Finntøppvegen for å begrense arealet til internt vegnett. (Vi har søkt å unngå lange sammenhengende vegstrekk gjennom byggeområdene parallelt med Finntøppvegen).

Punktet som Koller har markert med rød sirkelsymbol har vært vurdert gjennom planprosessen.

Stigningsmessig er det mulig, men avkjøringspunktet sammenfaller med hensynssone for flom.

Skred AS omtaler bekkeløpet som bekk 2. Bekken går i dag diagonalt gjennom byggeområdet BFT_7 og 8. Bekken er foreslått justert gjennom byggeområdet mot sør/sørvest og videre østover langs skiløypa (nord for fellesbeitet).

Vi mener det er best at flomveien ligger atskilt fra avkjøringspunktet og atkomsten til dette området.

Koller har 2 andre alternative avkjøringspunkt – markert med lilla i kartet nedenfor.

Regulert avkjøring ved BFT_3 ligger på fylling. BFT_4 ligger på et lavere nivå. En sammenkobling her vil kreve fylling både av vegatkomst (mot sørøst) og byggeområdet BFT_4. Det er ikke ønskelig med hensyn til bakenforliggende bebyggelse.

Koller sitt forslag til å flytte avkjøringspunktet lengre sør – gjennom BFT_8 - vil trolig kreve at vi må øke antall avkjørsler og etablere en egen avkjøring til BFT_4,5 og 6, omtrent der GTD_2 nå er foreslått regulert. Vi mener denne forbindelsen bør beholdes som en grønn forbindelse ned mot skiløypa.

Vi håper planforslaget – med hensyn til avkjørsler blir opprettholdt slik det nå foreligger til politisk behandling.

Rådmannen si vurdering av innkomen nabomerknad.

Nabo til planområdet Finntøpplie, Christen Koller, har i e-post sendt 13.04.2021 kome med eit høyringssvar til reguleringsplan for Finntøpplie, dokument 74 i WebSak.

Plankonsulent Erik Sollien i Areal+ har kommentert høyringssvaret frå Koller i dokument 75 i WebSak.

Rådmannen stør dei vurderingane som er gjort av Areal+.

Tilrådinga samrøystes tilrådd

Øystre Slidre kommune sender inn høyringsinnspelet slik det går fram under vurderingar i sakframlegget.

Samrøystes vedteke

1. Kommunestyret vedtek vedlagte forslag til «Forskrift om folkevalde sine økonomiske vilkår» med endringar.
2. Forskrifta blir gjort gjeldande frå 1. mai 2021.

Rådmann la på møtet fram forslag til slik endring i vedlegget:

1. Den faste godtgjersla til medlemmene i formannskapet (unntatt ordførar og varaordførar), i § 3-3 første kulepunkt, blir sett til 2,0 % av godtgjersla til ordførar.
2. Timegodtgjersle for møtedeltaking, i § 4-2 første kulpunkt, blir sett til 0.13 promille av ordførar si godtgjersle.
   

Samrøystes tilrådd

Kommunestyret vedtek årsrapporten med årsmeldingog årsregnskap for 2020 for Øystre Slidre kommune.

Samrøystes tilrådd

1. Formannskapet gir tømrer Knut Jørstad dispensasjon frå forbodet mot motorferdsel i utmark for transport av byggemateriale og arbeidsfolk til Møstadstølen og Hølmen  i april månad 2021.

1. Løyvet gis på fyljande vilkår:
   • Ansvarleg for løyvet er Knut Jørstad. Transporten kan også inkludere arbeidsfolk som er nødvendig for å utføre arbeidet.
   • Transporten skal følgje eksisterande løype der det er mogleg.
   • Køyringa kan skje til og med 30.april, jf. definert vintersesong i lokal forskrift.
   • Det skal førast køyrebok. Køyrebok skal leverast kommunen  seinast 1. juni.
   • All køyring skal skje på frosen og godt snødekt mark.
   • Løyvet skal bringast med under køyringa.

1. Vedtaket er fatta med heimel i forskrift for bruk av motorkjøretøyer og på islagte vassdrag § 6. Formannskapet vurderer at transport av byggemateriale og arbeidsfolk I samband med byggearbeid er eit særleg behov for køyring i utmark.

Løyvet innskrenkar ikkje den moglegheit grunneigar og brukar har til å forby eller avgrensa motorferdsel på eigedomen sin etter gjeldande rettsreglar. Dette inneber at søkjar må innhente løyve frå grunneigar før transporten startar.

Samrøystes vedteke