Protokoll godkjent utan merknad
Sakene vert teke til vitande

Samrøystes vedteke.

Samrøystes vedteke

Kommunestyret vedtek at det i Øystre Slidre kommune skal haldast kommunestyre- og fylkestingsval søndag 10. september i tillegg til måndag 11.september.

Samrøystes vedteke.

Tilråding:

Ungdomsråd for 2022– 2023 får følgjande samansetting.

Rådmannen får fullmakt til å nemne opp to personlege vararepresentantar.

Tillegg i tilrådinga.

Rådmannen får fullmakt til å nemne opp to personlege vararepresentantar.

Samrøystes vedteke

Øystre Slidre kommune støtter struktur, perspektiv, hovudmål, delmål og strategiar i planen.

Kommunestyret har følgande innspel til handlingsdelen til planen:

• Å sikre tilgangen på kompetanse i heile Innlandet er avgjerande for næringsutvikling og tenestetilbod i heile Innlandet, særleg i distriktskommunane. Punktet «Strategi for fleksibel høyere utdanning» bør styrkast og konkretiserast. I Valdres blir det m.a. arbeidd for å etablere desentralisert sjukepleiarutdanning.
• Punktet «Innlandet universelt utformet 2025» bør styrkast ved at fylkeskommunen ikkje berre skal vurdere rullering og fornying av satsinga på universell utforming, men fornye denne satsinga. Øystre Slidre kommune har i kommuneplanen sagt at vi vil vera det best tilrettelagde reisemålet for alle. Vi deltek for tida i forskingsprogrammet Accesstour i lag med Beitostølen Helsesportsenter og lokale verksemder, for å auka kunnskapen om tilrettelegging av reisemål. Vi planlegg også fleire tiltak lokalt for å tilrettelegge for alle, m.a. ein trillesti i høgfjellet som vil vera unik i nasjonal samanheng og universell utforming av friområdet Furustand i kommunesenteret. Skal vi realisere eit reisemål for alle vil ordningar for fellesgodefinasering vere viktige å sikre. Kommunen ønsker å vere ein av pilotane for fellesfinansiering i jf. Hurdalsplattforma. Vi øsnker fylkeskommunen sin støtte for å bli dette.
• Sikring av fjellandbruket er viktig for eit inkluderande Innlandet, jf. omtalen av dette under punktet Arbeidsliv og arbeidsplassutvikling. Fylkeskommunen har gitt økonomisk støtta til arbeidet med å etablere eit senter for fjellandbruk og iHurdalsplattformaheiter det at det skal etablerast eit senter for fjellandbruk. Ei breitt samansett styringsgruppe for etablering av Nasjonalt senter for fjellandbruk har no lagd fram si tilråding (vedlagd). Vi meiner at punktet fjellandbruk i handlingsplanen bør styrkast ved å ta inn følgjande formulering: «Fylkeskommunen vil bidra til etablering og utvikling av eit nasjonalt senter for fjellandbruk, i tråd med tilrådinga frå styringsgruppa for etablering av senteret».
• Mange distriktskommunar har ein svak marknad for bustader, noko som m.a. inneber ein stor økonomisk risiko for dei som vurderer å bygge eigen bustad. Dette er ein kjent situasjon m.a. i Valdres. Innlandet fylkeskommune bør ta ein leiande posisjon i samarbeid med Husbanken for å utvikle dei distriktspolitiske verkemidla til Husbanken, jf. også omtalen av dette temaet i Hurdalsplattforma. Fylkeskommunen bør også styrke eigne verkemiddel for bustadutvikling i distrikta. Punktet «Boligutvikling i distriktene» bør synleggjere dette.
• Kollektivtransport er svært viktig å betre, både for innbyggarar og tilreisande til kommunane. Skal vi få ned klimagassutsleppa frå transport, er det naudsynt at det blir lagt til rette for at fleire kan reise kollektivt også i distrikta. Det må jobbas for at kollektivtransport skal styrkas og bli eit alternativ som fleire vil og kan velja.  Eit kollektivtilbod for alle er ein viktig føresetnad for eit inkluderande Innland.
  

Alice Gudheim (V) la fram følgjande forslag til endring av kulepunkt 2:
Venstre foreslår å ta ut følgjande: "..ein trillestig i høgfjellet som vil vera unik i nasjonal samanheng og.."

Gunnar Thue (H)  sette fram følgjande forslag til endring i kulepunkt 2: ....m.a trillestier i høgfjellet..."

Forslaget frå Alice Gudheim fekk 8 røyster og fall.
Forslaget frå Gunnar Thue fekk 1 røyst og fall.

Innstillinga frå formannskapet vart samrøystes vedteke.

Øystre Slidre kommune ivaretek nærskuleprinsippet ved å tildele skuleplass innanfor skulekrinsen for nye elevar. Heimane kan søke til kommunen om at deira barn startar på ei anna barneskule enn nærskulen. Dette må skje når barnet startar i grunnskulen. Kvar søknad blir handsama individuelt og er eit enkeltvedtak. Barnets beste skal vektast tungt. Skuleskyss som går ut over retten eleven har til skuleskyss til nærskulen står heimen for sjølv, når ikkje valet om anna skule enn nærskulen er grunngjeve i at kommunen ikkje kan oppfylle retten til opplæring på nærskulen.Kommunestyret delegerer til rådmannen å gjere vedtak om tildeling av grunnskuleplass til anna enn nærskulen.

Innbyggjarinitiativet om eigne rettar for dei som bur i midtre delar av kommunen vert ikkje teke til følgje.

Alice Gudheim (V) la på vegne av V og SV fram følgjande forslag til endring:
Kvar søknad blir handsama individuelt og er eit enkeltvedtak. Barnets beste skal vektast tungt.Innbyggjarinitiativet om eigne rettar for dei som bur i midtre delar av kommunen vert ikkje teke til følgje.

Forslaget frå Alice Gudheim vart samrøystes vedteke

Innstillinga frå formannskapet med endring vart samrøystes vedteke.

Kommunestyret godkjenner vedlagte samarbeidsavtale om Felles barneverntjeneste i Valdres datert 13. oktober 2022, og ber rådmannen følgje opp avtalens innhald.

Samrøystes vedteke.

1. Ordførar får fullmakt til å utvide mandatet og samansetting av styringsgruppa, med sikte på å få brei nasjonal deltaking ved etablering av nasjonalt senter for fjellandbruk på Løken, alternativt etablere eit interimsstyre for senteret.
2. Kommunestyret er positiv til å overta eigarskapen til Løken gard, i samsvar med Prop. 1 S(2022-2023) frå Landbruks- og matdepartementet, på dei vilkåra som går fram av vurderinga i dette saksframlegget. Kommunestyret ber rådmannen kome tilbake med ei sak til kommunestyret når avtale om overtaking av eigedomen ligg føre.

Samrøystes vedteke.

1.    Kommunestyret vedtek følgjande retningliner for handsaming av saker om å kunne bu på hytta:

Rådmannen har fullmakt til å gje dispensasjon frå føremålet fritidsbusetnad eller fritids- og turistføremål og frå krav til bustad i teknisk forskrift når følgjande kriterium er til stades        

• Bygningen har slik standard og tilgjengelegheit at den er eigna til fast bustad
• Bygningen har innlagd straum og er knytt til offentleg vatn og avlaup eller på andre måtar ha tilfredsstillande VA-anlegg
• Eigedomen har tilkomst til veg med god standard og heilårs vedlikehald, slik at naudetatar, helsetenester, renovasjons- og slamtøming har god tilkomst til eigedomen
• Eigedomen må ha nærleik til veg for skuleskyss.

Det skal vera eit vilkår for dispensasjonen at eigar av eigedomen sjølv må ha bustadadresse på eigedomen i minst tre år. Dispensasjonen kan gjelde så lenge eigar av eigedomen har  bustadadresse på eigedomen eller til kommunen opphever dispensasjonen. Ein dispensasjon om å nytte hytta eller fritidsleilegheita som fast bustad gjev ingen endringar i matrikkelen.

2.    Gebyr for administrtiv handsaming av denne typen saker vert sett til kr 2000,- pr. sak.

One Granli Enerud la fam forslag om å utsette saka. Forslaget fekk 3 røyster (SV, V og 1 Sp) og fall.

Innstillinga frå formannskapet vart vedteke med  16 røyster (10 Sp, 5 Ap og 1 H)