Protokoll godkjent utan merknad
Sakene vert teke til vitande

Magnhild Strand og Hanne Svendsen skriv under protokollen.

Tilrådinga samrøystes vedteke.

Samrøystes vedteke.

Tillegg frå Kommunestyrekomité for opplæring og kultur:
Handlingsplanen for 2023 under fysisk og psykisk helse:
Mål: Ungdommen skal få betre tru på framtida, ved å få betre kjennskap til yrkesmoglegheiter i Øystre Slidre.
Tiltak: Samarbeid mellom skulen og næringslivet i Øystre Slidre
Ansvar: Rektor på ØSUS
Evaluering: Ungdata-undersøkinga

Med denne endring vedtek kommunestyret Oppvekstplanen for Øystre Slidre kommune 2023-2026 med handlingsdel.

Morten Steinsrud la fram følgjande tillegg til nytt kulepunkt:
Det settes ned ei gruppe fra kommune, kultur, idrett, næringsliv som jobber for å se på muligheten for idrettshall på Storefoss. Det leveres en rapport på dette innen 5 år.

Morten Steinsrud trakk forsalget sitt.

Innstillinga frå kommunestyrekomité vart samrøystes vedteke.

Øystre Slidre kommune vedtar forlenging av dagens samhandlingsavtale med Sykehuset Innlandet frem til 28.03.2024.

Samrøystes vedteke.

1. Kommunestyret vedtek framlagte handlingsplan med budsjett for Valdres Natur- og Kulturpark 2023.
2. Kommunestyret vedtek handlingsplan for Valdres friluftsråd for 2023.
3. Ordføraren får fullmakt til å samordne vedtaket med vedtak i dei andre Valdreskommunane.

Samrøystes vedteke.

Tilråding:

1. Prisen på einebustadtomter i Heranglie bustadområdet vert sett til kr. 485 000 pr. tomt. Rådmannen får fullmakt til å leggje tomtene ut for sal og gjennomføre sal av bustadtomtene.
2. Rådmannen får fullmakt til å invitere og inngå avtale med utbyggjarar om utbygging av områda sett av til småhus/leilegheiter.  Dersom avtalane inneheld utbygging av kommunale bustader som krev budsjettramme, vert ikkje avtale inngått før kommunestyret har teke stilling til om kommunen skal setje av midlar til dette føremålet.
3. Kommunestyret ber rådmannen gå i dialog med eigarar av dei to tomtene som ikkje er i kommunal eige med førespurnad om kommunal overtaking av tomtene på same vilkår som kjøpet frå OVF, eller avtale om deira medfinansiering av utbygging av infrastruktur i på same nivå som for dei andre tomtene i bustadområdet. Rådmannen har fullmakt til å inngå slike avtalar dersom vilkåra omtalt i dette punktet vert stetta.

Samrøystes vedteke.

Kommunestyret tek 2. tertial rapporten til orientering.

Kommunestyret vedtek fylgjande tillegg til betalingsheftet for 2022:

«For gebyr innan oppmåling/eigedomsregistrering, byggesak og seksjonering som blir fakturert i 2022, skal følgande tillegg gjelde:

• Gebyret blir rekna etter dei satsar som gjeld den dagen komplett søknad blir journalført.
• Dersom gebyret etter regulativet blir vurdert å vera openbart urimeleg ift det arbeid kommunen har, kan rådmannen fastsetja eit passande gebyr. Gebyret skal i slike tilfeller bli fastsatt etter medgått tid og ein timesats basert på sjølvkost.»

Kommunestyret vedtek fylgjande budsjettendringar for 2022:

Drift:

Investering:

Tillegg til tilrådinga frå rådmannen i investeringsbudsjettet for 2022:

VA Heranglie investeringsutgift        D kr 1.370.000

Veg Heranglie – investeringsutgift        D kr    584.000

Veg Heranglie – mva-kompensasjon utgift    D kr    146.000

Veg Heranglie – mva-kompensasjon inntekt    K kr    146.000

VA bruk av lån                K kr 1.370.000

Generaløkonomien bruk av lån        K kr    584.000

Innstillinga med tillegg vart samrøystes vedteke.

Eigedomsskatten frå bustader/fritidsbustader skal nyttast slik:

• 40% til kommunal drift og investering og 60% til næringsutvikling i heile kommunen. Næringsutvikling omfattar bl.a. utbygging av infrastruktur, fellesgodefinansiering av stiar og løyper m.v., næringsutviklingsprosjekt, tiltak innan landbruk ogreiseliv ogregionale utviklingstiltak.
• Kommunen kan i økonomiplanen bruke meir/mindre det enkelte år ut frå ei vurdering av den økonomiske situasjonen.

Magne Mjøs (Sp) la fram følgjande framlegg til vedtak:
Total eigedomsskatt skal nyttast slik:

· 50% til kommunal drift og investering og 50% til næringsutvikling i heile kommunen.

Næringsutvikling omfattar bl.a. utbygging av infrastruktur, fellesgodefinansiering av stiar og løyper m.v., næringsutviklingsprosjekt, tiltak innan landbruk og reiseliv og regionale utviklingstiltak.

· Kommunen kan i økonomiplanen bruke meir/mindre det enkelte år ut frå ei vurdering av den økonomiske situasjonen.

Bjarne Budal (Ap) la fram følgjande framlegg:
Eigendomsskatten frå bustader og fritidsbustader skal brukast slik:

Eigendomsskatten skal fordelast mellom kommunal drift/investeringar og næringsutvikling. Fordelinga blir vurdert og vedteken kvart  år ut f råden økonomiske situasjonen.

Næringsutvikling betyr i heile kommunen og omfattar tiltak i, landbruk, reiseliv, fellesgodefinansiering av stigar og løyper, næringsutviklingsprosjekt, utbygging av infrastruktur og regional utvikling og fellestiltak.

Andelen innanfor næringsutvikling blir sett på fond.

Arnfinn Beito bad om gruppemøte.

Magne Mjøs trakk sitt forslag.

Forslaget frå Ap vart sett opp mot tilrådinga. Tilrådinga frå rådmann fekk 11 røyster. Framlegget frå Ap fekk 9 røyster.