Formannskapet fastset følgjande retningsliner for bruk og sakshandsaming av kommunale Covid-19 midlarfrå KDD, gitt som kompensasjonsmidlar for bedrifter ramma av Covid-19 i 7.runde:
Løyvinga på kr 721 000,- blir fordelt av kommunen etter søknad frå bedrifter innanfor kategoriane servering, overnatting, sport og fritid, reisebyrå og -arrangørar, kunst og underhaldning og kongress-, messe- og utstillingsverksemd.
Søknadsgrunnlaget er samla omsetning for månadane desember 2019 og januar 2020 målt opp mot samla omsetning for månadane desember 2021 og januar 2022 i bedrifta. Tala må dokumenterast av revisor eller autorisert rekneskapsførar.
Bedrifter som er etablert etter 1/7-2019 kan vurderast etter andre kriterium, som forretningsplan, budsjett eller anna relevant informasjon som gjer det mogeleg å vurdere konkrete tap på grunn av nedstenginga.
Midlane vil bli tildelt etter reglane for notifisert ordning, og det må søkjast på www.regionalforvaltning.no
Rådmannen får fullmakt til å handsame søknadene og betale ut støtta til verksemdene.