Øystre Slidre kommune fekk kl 2325 bekrefta frå Nasjonal kommunikasjonsmyndighet at feilen som oppsto på mobilnettet tidlegare på kvelden nå er retta.
Alt skal no fungere som normalt.
(Denne meldinga vart publisert kl 2330 den 19. april 2024)
Formannskapet løyver kr 10.000 til jordskjelvofra i Syria/Tyrkia over formannskapspotten.
Formannskapet er positiv til å løyve kr. 5 pr innbyggar til 1000 års-jubileet for “Kristning av Valdres” dekka over formannskapsposten
Protokoll godkjent utan merknad Sakene vert teke til vitande
Samrøystes vedteke.
1. Formannskapet legg detaljreguleringsplan for Liahaugstølen ut til offentleg høyring og ettersyn. Vedtaket er gjort i medhald av plan og bygningslova §§ 5-2 og 12-10. Før planen vert lagd ut på høyring skal plandokumenta rettast opp i samsvar med kart og føresegner. Fjern og nærverknadene av utbygginga skal illustrerast godt i høyringsdokumenta.
2. Som eit avbøtande tiltak for stølsområda ber formannskapet rådmannen lage utkast til utbyggingsavtale som sikrar opparbeiding av fleirbrukstraseen, jf. vedteken sti- og løypeplan, slik at brukarane av friluftsområdet vert styrt i retning av Beitostølen og ikkje mot Hedalsstølane
Arnfinn Beito og Bente Oxhovd har vore inhabile i saka og deltok ikkje i behandlinga. Tor Skattebo og Gunnar Thue møtte som varamedlemmer.
Tillegg punkt 1:
Før planen vert lagd ut på høyring skal plandokumenta rettast opp i samsvar med kart og føresegner. Fjern og nærverknadene av utbygginga skal illustrerast godt i høyringsdokumenta.
Nytt punkt 2:
Som eit avbøtande tiltak for stølsområda ber formannskapet rådmannen lage utkast til utbyggingsavtale som sikrar opparbeiding av fleirbrukstraseen, jf. vedteken sti- og løypeplan, slik at brukarane av friluftsområdet vert styrt i retning av Beitostølen og ikkje mot Hedalsstølane.
Tilrådinga med tilleggspunkt vart samrøystes vedteke.
Kommunestyret sluttar seg til vurderingane som er gjort i saksframlegget.
Samrøystes tilrådd
Kommunestyret slutter seg til vurderingane i saksframlegget om regional plan for klima, energi og miljø.
Samrøystes tilrådd.
Kommunestyret i Øystre Slidre meiner at KS i debatthefte 1 – 2023 fangar opp utfordringane vi står overfor på ein god måte. Kommunen vil særleg trekke fram klima- og naturkrisa, aukande utanforskap i samfunns- og arbeidslivet og mangel på personal og kompetanse som særleg viktige utfordringar.
Kommunane har eit særleg ansvar å sikre ein berekraftig arealbruk, gjennom den mynda kommunen har i plan- og bygningslova (PBL), jord- og konsesjonslova m.v.. Dette lovverket gjev kommunen eit stort ansvar og viktige verkemiddel for å sikre ein berekraftig arealbruken i eigen kommune. Kommunestyret har i samfunnsdelen av kommuneplanen, i planprogrammet til revisjon av arealdelen av kommuneplanen og gjennom prosjektet Klima + vist at vi vil bruke dei tilgjengelege verkemidla, for å bidra til ein berekraftig arealbruk lokalt, nasjonalt og globalt. Verktøykassa bør utviklast vidare for at kommunen i enno større grad kan sikre ein berekraftig arealbruk. Arealrekneskap bør utviklast som metode, gjennom eit samarbeid mellom kommunesektoren og nasjonale organ. Ein avklart metode, med digitale og kartbaserte hjelpemiddel, vil vera viktig for å bidra til ein berekraftig arealplanlegginga i kommunen. Vidare bør moglegheitene for bruk av utbyggingsavtalar, med heimel i PBL, utviklast til å kunne omfatte tiltak og finansiering av negative følgjer av ei utbygging, også dei som ikkje berre har lokal karakter. Det bør t.d. vera mogleg for kommunane å nytte PBL og utbyggingsavtalar til å kompensera for klimaverknadene av ei utbygging med tiltak utanfor reguleringsområdet, som t.d. restaurering av naturområde eller myr. Konsekvensutgreiingar bør framleis vera finansiert av utbyggar, men oppdraget og oppfølginga av ei konsekvensutgreiing bør vera styrt av kommunen. Skal kommunane sikre ein berekraftig arealbruk må kommunane har tilstrekkeleg kapasitet og kompetanse innafor dette feltet. Her kviler det eit særleg ansvar på nasjonale myndigheiter å sikre tilstrekkeleg utdanningskapasitet innanfor arealplanlegging og tilgrensande fagområde.
Omstilling av kommunesektoren vil vera viktig for å møte utfordringsbilete. Den største utfordringane for å få til det er tilstrekkeleg kapasitet og kompetanse for omstilling, både administrativt og politisk. Omstillinga må vera kontinuerleg. Ei omstilling vil også ha ein kostnad, før effekten av omstillinga kjem. Det er ønskeleg at KS tek ei enno meir strategisk og styrande funksjon for utvikling av effektive digitale hjelpemiddel for kommunal sektor. Det vil bidra til omstillinga. I tillegg bør KS halde fram med å vise og spreie erfaringar mellom kommunane på vellukka omstillingstiltak. Det er mykje god lærdom å hente frå andre.
Kommunestyret sluttar seg til dei vurderingane som er gjort i saksframlegget og gjev rådmannen fullmakt til å sende inn innspel til KS om debatthefte II med dette tillegget:
I tillegg til pkt. 1-4 ønsker kommunestyret i Øystre Slidre å peike på at KS må ta initiativ overfor UDF for å sikre eit godt forhandlingsklima i forkant av årets forhandlingar, m.a sikre at partane brukar same talgrunnlag.
Eit samla formannskap la fram følgjande tillegg:
I tillegg til pkt. 1-4 ønsker kommunestyret i Øystre Slidre å peike på at KS må ta iniativ overfor UDF for å sikre eit godt forhandlingsklima i forkant av årets forhandlingar, m.a sikre at partane brukar same talgrunnlag.
Tilrådinga med tillegg vart samrøystes tilrådd.
Formannskapet avslår søknad om dispensasjon for framføring av veg til gnr. 32, bnr 7 Skatrudstølen, jf. plan- og bygningslova § 19-2. Avslaget er grunngjeve med fordelane ikkje er klart større enn ulempene, og at ein dispensasjon frå plankravet i arealdelen av kommuneplanen vil setja føremålet med i planen til side.
Med heimel i plan- og bygningslova § 19-2 avslår formannskapet søknad om dispensasjon frå reguleringsplankravet for tiltak i byggeområda punkt 3.1 i kommunedelplan for Beitostølsområdet. Formannskapet finn at omsynet bak føresegna vert vesentleg sett til side og at fordelane ved ein dispensasjon ikkje er klart større enn ulempene.
Saka vert sendt over til Statsforvaltaren i Innlandet for endeleg avgjerd.
Etter handsaming og vurdering av klage datert 10.12.2022, finn formannskapet at det ikkje ligg føre opplysningar i saka som føre til at delegert vedtak med saksnummer 399/22 datert 27.10.2022 skal endrast.
Klaga blir ikkje teke til følgje.
Saka blir sendt til Statsforvaltaren i Innlandet for endeleg avgjerd.
Etter handsaming og vurdering av klage datert 01.11.2022, finn formannskapet at det ikkje ligg føre opplysningar i saka som fører til at vedtak i sak 73/22 datert 27.10.2022 skal endrast.
Klaga frå Britt-Aina og Roar Tidemansen, blir ikkje teke til følgje.
Saka blir sendt til Statsforvaltaren Innlandet til endeleg avgjerd.
På bakgrunn av erfaringane med vern av Langsua Nasjonalpark vil ikkje kommunestyret gå vidare med utvida vern av Jotunheimen Nasjonalpark. Eit vern må gje grunnlag for lokal verdiskaping og forvaltinga av verneområdet må ikkje gjere bruken av områda så vanskeleg som no. Eit ev. vern må vera bygd på avklarte og varige vilkår for framtidig bruk av verneområda.
Ordførar la fram følgjande framlegg til tilråding: På bakgrunn av erfaringane med vern av Langsua Nasjonalpark vil ikkje kommunestyret gå vidare med utvida vern av Jotunheimen Nasjonalpark. Eit vern må gje grunnlag for lokal verdiskaping og forvaltinga av verneområdet må ikkje gjere bruken av områda så vanskeleg som no. Eit ev. vern må vera bygd på avklarte og varige vilkår for framtidig bruk av verneområda.
Framlegget frå ordførar vart samrøystes tilrådd.