Mobilnettet er nede

Frå Statsforvaltaren i Innlandet har kommunen fått melding om at det har oppstått dekningsbortfall i mobilnettet i Innlandet, i området rundt Beitostølen. Det er anteke at årsaka er fiberbrot.  Telenor melder om sterk redusert til ingen dekning rundt Fagernes, Beitostølen, Hovda fjellhotell, Nythun høyfjellstue, Vangsmjøsa og Tyin-fjorden. I tillegg har ca. 2 500 av Telenors breibandskundar mellom Søndre Land og Vang mista forbindelsen. Ice og Telia har utfall og forstyrrelser i mobilnettet i same område. 

Frå nasjonal kommunikasjonsmyndigheit er det kl 2034 meldt at ein reknar med at dekning bør vere tilbake innan midnatt.

Råd til brukarar (frå Nasjonal kommunikasjonsmyndighet):
•    Så lenge det er dekning frå ein mobiloperatør i et område er det mogleg å ringe nødnumra via roaming hjå andre operatørar som har dekning
•    Dei fleste med trådlaust breidbånd kan ringe med WIFI tale
•    Alternativ vil vere å bevege seg til et område som har mobildekning

Kommunen er i gang med å teste trygghetsalarmar, og vil fortløpande vurdere tiltak for å trygge sårbare brukarar. 

Meldinga er publsert 19. april kl 2025, og vil bli oppdatert (sist oppdatert kl. 2055).

Ole vassverk - friskmelding av drikkevatnet

Øystre Slidre kommune har friskmeldt drikkevatnet fra Ole vassverk.

Det vart i førre veka sett i verk tiltak for å fjerne uønska bakterier. Rutinene våre ved ein slik hendelse er at vi starta kloring av vatnet, samt sendte ut kokevarsel. I tillegg auga vi UV-strålinga. Vi har no skifta lamper i UV-anlegget. Det viste seg at det var her feilen var. Det var ein produksjonsfeil ved lampene. Dette vil seie at  UV-lampene ikkje har fungert optimalt mellom to prøvetakingar. Våre rutiner med mange prøvetakingar av vatnet fungerer godt, og vi kan avdekke feil raskt.

Prøvene er no 100% reine, og mattilsynet har godkjent friskmeldinga. Vi opphever derfor kokeanbefalinga. Øystre Slidre kommune beklagar ulempa dette har medført.

Sist endra 21.08.2018 12.38