Ynskjer du å dele eigedomen din (skilje ut ei tomt), må du søke om frådeling og oppretting av eigedom. Då blir det etablert ein ny sjølvstendig eigedom med eige gards- og bruksnummer.
Oppretting av eigedom skjer gjennom to trinn:
- Løyve til oppretting av eigedom skjer etter plan- og bygningslova og eventuelt jordlova. Saksbehandlingsfrist er 12 veker frå kommunen har mottatt komplett søknad.
- Delingsløyvet blir gjennomført etter matrikkellova gjennom ein oppmålingsforretning. Her blir grensepunktene merka, nye grenser registrert i eigedomsregisteret (Matrikkelen), og nytt gards- og bruksnummer tinglyst.
Saksbehandlingstid:
Saksbehandlingsfrist er 16 veker. Kommunen har vinterforskrift i perioden 01.11-15.05, som vil si at for gjennomføring av oppmålingsforretningar i denne perioden gjeld ikkje 16-vekers fristen.
Etter at det er gitt løyve til deling går saken automatisk vidare til oppmåling, med mindre ein søker om utsetting av oppmålingsforretningen.
Sist endra12.01.2018 10.51