Viktig informasjon til deg som skal røyste finn du her (PDF, 772 kB)

Tidlegrøysting - du kan avtale tid for å røyste

Om du er bortreist eller av andre grunnar ikkje kan røyste når den ordinære perioden for førehandsrøysting startar 11..august, eller på valdagane 7. og 8. september, kan du ta kontakt med kommunen for å tidlegrøyste.

Det er høve til å tidlegrøyste i perioden 1.juli -  8.august innafor opningtida til kommunehuset.

Ta kontakt med sentralbordet, tlf 61 35 25 00, for å avtale tid for tidlegrøysting.

Legitimasjon

Du må vise legitimasjon når du skal røyste. Legitimasjonen må innehalde namn, fødselsdato og bilete, og kan til dømes vere pass, nasjonalt ID-kort, førarkort eller bankkort med bilete.

Førehandsrøysting

Du kan førehandsrøyste frå og med 11.august til og med 5.september.

Det er opent for førehandsrøysting på kommunehuset på Tingvang måndag - fredag kl.09.00 - 14.00.

Førehandsrøysting på Beitostølen

Du kan førehandsrøyste i Velkomstenteret på Beitostølen laurdag 30.august, 
kl.10.00 - 15.00.

Legitimasjon

Du må vise legitimasjon når du skal røyste. Legitimasjonen må innehalde namn, fødselsdato og bilete, og kan til dømes vere pass, nasjonalt ID-kort, førarkort eller bankkort med bilete.

Ambulerande røysting

Viss du er sjuk eller ufør, kan du kontakte kommunen for å førehandsrøyste heime. Fristen for å be om heimerøysting er torsdag 4. september kl.12.00

To valmedarbeidarar kjem heim til deg slik at du kan røyste der. 

Om du har behov for å røyste heime, ta kontakt med sentralbordet,  tlf 61 35 25 00. 

Du kan tidleg- og førehandsrøyste i alle kommunar. 

Sjekk kvar du kan røyste i den kommunen du oppheld deg i. Røysta di blir sendt til heimkommunen for oppteljing.

Merk at på valdagen kan du berre røyste i den kommunen du er manntalsført i .

Valdagane søndag 7. og 8. september kan du røyste i Storsalen på Tingvang.

• Søndag kl.14.00 - 18.00
• Måndag kl.10.00 - 18.00

Merk at valdagane kan du berre røyste i eigen kommune.

Legitimasjon

Du må vise legitimasjon når du skal røyste. Legitimasjonen må innehalde namn, fødselsdato og bilete, og kan til dømes vere pass, nasjonalt ID-kort, førarkort eller bankkort med bilete.

Manntalet er ei liste over alle personer som har stemmerett ved val i Norge.

Det er folkeregisteret som blir lagt til grunn for manntalet. Kvar du er manntalsført og har stemmerett, er difor avhengig av i kva for kommune du er folkeregistrert som busett per 30.juni kvart valår.

Dersom du registrerer flytting til ein anna kommune etter 30.juni i valåret, har du stemmerett i din gamle bustadskommune.

Kva om eg bur i utlandet?

Som busett i utlandet er du som hovudregel innført i manntallet. Unntaket er om du har budd i utlandet i meir enn ti år. Om det er tilfelle, må du søke om innføring i manntalet i den kommunen du sist var folkeregistrert for at stemma di skal bli godkjent.

Manntalet er med på å sikre korrekte val

Når du stemmer blir legitimasjonen din sjekka opp mot manntalet for å stadfeste at du har stemmerett. Etter at du har lagt stemmesetelen i urna blir du kryssa i manntalet av stemmemotttakaren. Når du er kryssa i manntalet kan du ikkje om bestemme deg og stemme om igjen.

Korleis kan eg sjekke om eg er manntalsført, og i kva for kommune?

Alle kommunar i Norge er pålagde å skrive ut ei sokalla utleggingsmanntal. Dette er eit manntal som blir gjort offentleg tilgjengeleg og der du som veljar har moglegheit til å kontrollere eigne opplysningar, og eventuelt sende inn ei klage dersom det er feil i manntalet.

Kommunen har ikkje lov til å publisere manntalet elektronisk, det skal berre føreligge i papirutgåve.

I Øystre Slidre kommune er manntalet lagt ut til gjennomsyn på sentralbordet på Tingvang. Det ligg ute frå og med ca. 10.juli til og med 8.september.