Startlån

Startlån kan hjelpe deg som har vanskar med å få lån i vanleg bank til kjøp, bygging eller refinansiering av bustad. Lånet kan òg nyttast til tilpassing av bustaden dersom det er behov for det. 

Bustøtte

Bustøtte er ei statleg støtteordning for deg med låg inntekt og høge buutgifter. Ordninga kan gi deg større økonomisk tryggleik i kvardagen og bidra til at du kan bu godt og trygt. 

Tilskot til etablering eller utbetring av bustad

Tilskot kan givast til deg som skal etablere deg eller til nødvendige utbetringar for å sikre ein trygg og funksjonell bustad, særleg for personar med særskilde behov eller låg betalingsevne. 

Nytt tilskot til aldersvenleg oppgradering av eigen bustad

I 2026 kjem ei ny tilskotsordning for deg som vil oppgradere bustaden din for å gjere han meir brukarvenleg. Husbanken arbeider no med å utvikle ordninga, og søknaden vil opne sommaren 2026. Du kan søkje om tilskot på inntil 75 000 kroner, og tilskotet kan dekkje opptil 25 prosent av kostnadene ved tiltaka. Resten kan du eventuelt finansiere med lån. Tilskotet skal hjelpe innbyggjarar å tilpasse bustaden sin, slik at han fungerer betre i ulike livsfasar. Målet er at fleire skal kunne bu godt og trygt heime lenger.  

Har du spørsmål?

Tildelings- og bustadkontoret hjelper deg gjerne med spørsmål, rettleiing og søknad. 

Opningtid: måndag - fredag 08.00 - 15.00.
Telefon: 61 34 28 70.

Slik søker du

Meir informasjonom ordningane, relgar og korleis du søker finn du på Husbanken sine nettsider www.husbanken.no