Fallførebyggande trening

Informasjon om fallførebyggande trening finn du her på nettsida til Helse Norge

Sterk og stødig

Om tilbodet: Er du litt utstø, over 65 år og kjenner at beina ikkje er så sterke lenger? Ønsker du å bli sterkare og stødigare? Då kan Sterk- og Stødig-gruppene vere noko for deg! Du er velkommen til å trene i ei av våre treningsgrupper for seniorar, med hovudvekt på balanse- og styrketrening. Du treng ikkje ha noko erfaring med trening frå tidlegare, men du må kunne gå innandørs utan hjelpemiddel. 

Treninga fylgjer ein fast mal som tek i bruk treningsprinsipp og øvingar både sitjande og ståande som gjer effekt på beinstyrke og balanse. Gruppa er leia av våre dyktige instruktørar som får oppfylgjing av kommunale fysioterapeutar. Etter treninga er det veldig triveleg om de tek eit lite sosialt treff med gruppa med matpakke etc.

Kven passar det for: Seniorar (65+), som bur i eigen heim, og som klarar seg så godt som utan hjelp frå kommunen. Bruker ikkje ganghjelpemiddel innandørs. Du klarer å komme deg til og frå trening på eigenhand. Prat med legen din om treninga dersom du har sjukdomar du må ta hensyn til.

Kvar og når: Vi har fire aktive grupper i kommunen som trener kvar veke i skuleruta. Gruppene våre har plass til omlag 12 personar + instruktør og krev påmelding.

Moatunet, Moavegen 11, 2940 Heggenes.
Tysdagar kl.09:30 - 10:30.

Storsalen på Tingvang, Bygdinvegen 1989, 2940 Heggenes
Onsdagar kl.13:00 - 14:00.

Solhaug samfunnshus, Bygdinvegen 1286, 2943 Rogne
Onsdagar kl.11:00 - 12:00.

Beitostølen Helsesportsenter, Sentervegen 4, 2953 Beitostølen
Torsdagar kl.12:15 - 13:15.

Pris

Tilboda er gratis.

Utstyr:

Du treng klede som er lette å bevege seg i, innesko og drikkeflaske.

Påmelding

Vi har fortløpande opptak og du treng ikkje frisklivsresept, og påmelding skjer via SMS eller e-post til Maren/frisklivskoordinator på nr.469 41 295, e-post: maren.rakstad.gunderhuset@oystre-slidre.kommune.no

Alle som har meldt seg på vil motta ein telefon frå ansvarleg fysioterapeut med nokre spørsmål om balanse og gangfunksjon.

Meir informasjon om Sterk og Stødig finn du her

Vil du bli instruktør?

Sterk og Stødig-treningsgrupper blir drifta av frivillige instruktørar, som har gjennomgått instruktørkurs og fyrstehjelpskurs. Du treng ikkje ha erfaring med grupper eller trening frå før. Dersom du har eit ynskje om å drive eigne sterk og stødig-treningsgrupper, vil du få opplæring og oppfylging av fysioterapeutar slik at du kan bli trygg på øvingane og instruktørrolla. Du vil også få tilgang til sterk og stødig materiale, med gode bilete og skildringar av treningsøvingane.

Som frivillig er det ynskjeleg at du gjennomfører ei trening i veka. Deltaking på sosialt treff i etterkant er frivillig. Friskliv/ Fysioterapeutane har ansvar for å ta imot påmelding, ordne lokale og skaffe vikarar ved behov. Ditt ansvar som frivillig instruktør er kun å møte opp og gjennomføre treninga, eller gje beskjed dersom du er borte.

Er du nysgjerrig på instruktørrolla? Ta gjerne kontakt med oss dersom du ynskjer meir informasjon eller har ynskje om å hospitere på ei av våre treningsgrupper.

Sertifisering av frivillige instruktørar

Instruktørkurset går over 3 dagar og blir leia av ansvarleg fysioterapeut i kommunen. Det vil vera to kursdagar med informasjon og praktisk øving, og ein dag med sertifisering der ein får anledning til å leie ei kort treningsøkt saman med dei andre kursdeltakarane. Dette er ei god moglegheit til å få praktisk øving før ein sjølv er ansvarleg for ei gruppe.
Før ein startar opp med eigne grupper må ein også ha gjennomført eit fyrstehjelpskurs.

Er du interessert i å vera instruktør?

Ta kontakt med friskliv og/eller ansvarleg fysioterapeut i kommunen.

 Om tilbodet

Sosial gå-gruppe for alle som har lyst til å bli med å gå ein liten tur i nærområdet rundt kvileheimen. for deg som treng støtte for å komme deg litt i aktivitet, eller synast at det hadde vore hyggeleg å gå ein roleg tur i lag. Med eller utan ganghjelpemiddel, kom som du er. Vi held eit roleg tempo og held på i inntil ein times tid, avhengig av kven som deltek.

Kven passar det for?

Godt vaksne, men alle aldra er velkomne. Heimebuande seniorar, personar i omsorgsbustad eller andre personar som ysnkjer å få støtte til å komme seg ut ein liten tur.

Kvar og når?

Moavegen 25, 2940 Heggenes. Oppmøte ved hovudinngangen.

Måndagar kl.10.30 - 11.30. (Tilbodet fylgjer skuleruta/raude dagar.)

Pris

Å delta i gå-gruppa er gratis.

Utstyr

Det er lurt med løse og ledige klede, gode sko og eventuelt ganghjelpemiddel om du treng det. Vi går uansett vær, så ta på passande klede. Vi anbefalar å gå med brodddar når det er is og snø.

Påmelding

Vi har fortløpande opptak og du treng ikkje frisklivsresept. Påmelding via SMS eller e-post til Maren/frisklivskoordinator på tlf 469 41 295, e-post: maren.rakstad.gunderhuset@oystre-slidre.kommune.no. Du kan og møte opp utan påmelding, så tek vi det derfra.

Om tilbodet

Helsefremjande og fallførebyggjande trening med fokus på å oppretthalde og betre balanse, styrke og koordinasjon. Treninga inneheld felles oppvarming og litt balanseøvingar før vi går vidare til individuelle øvingar ut i frå eige ynskje, behov og dagsform. Det er moglegheit for rettleiing av friklivsrettleiar/fysioterapeut. Deltakarar kan fritt ta i bruk treningsrommet sitt utstyr og få rettleiing på det dei ynsker.

Kven passar tilbodet for?

Heimebuande seniorar eller andre personar som ynskjer å få betre balanse og styrke for å fungere godt i kvardagen og førebyggje fall.

Kvar og når?

Treningsrommet på Heggenes, vegg i vegg med Øystre Slidre fysioterapi. Bygdinvegen 2134, 2940 Heggenes.

Onsdagar kl.10.00 - 11.00.

Pris 

Gratis. Du treng ikkje treningskort for å delta.

Utstyr

Det er lurt med ledige klede, gode sko og drikkeflaske.

Om tilbodet

Trening for mor og baby, med mål om å styrkje mor sin kropp etter svangerskap og fødsel, i trygge omgjevnader og med rettledning av fysioterapeut. Du vil få hjelp til å kunne oppnå ein sterk og funksjonell kropp som fungerer godt i kvardagen som mamma og kvinne. Vi prøver å la baby bli ein naturleg del av trenigna, vi har høg terskel for lyd og låg terskel for behova til dei små. Det er setta av god tid, vi trenar mellom 45 minutt til 1 time. Etter treninga er det tid og moglegheit for sosialt samvær  med dei andre deltakarane for dei som ønskjer det.

Kven passar tilbodet for?

Deg som er heime i permisjon og som ysnkjer å kome i gang med trening etter fødsel. Treninga passar for deg som har født for minimum 8 veker sidan. Hugs at du har vært gravid i 9 månader, og at det tek tid å hente seg inn etter svangerskap og fødsel, samtidig som du skal bli kjent med di nye rolle. Ta kontakt når du sjølv byrjar å bli klar. Generelt kan dei fleste som føler seg klare, strarte med lett/moderat trening og auke gradvis kring 4-6 veker etter vaginal fødsel og 8 veker etter keisarsnitt.

Kvar og når?

Helsetunet sitt treningsrom. Bygdinvegen 2120, 2940 Heggenes. 

Torsdagar kl.10.00 - 11.15. 

Pris

Trening for mor og baby er gratis.

Påmelding

Påmelding per sms til kvar time, påmeldingsfrist dagen før. Fleksibel avmelding. 

Påmelding og eller spørsmål til Maren, tlf 469 41 295, e-post: maren.rakstad.gunderhuset@oystre-slidre.kommune.no

Fortløpande oppstart av tilbodet.

Om tilbodet

Eit innandørs treningstilbod med fokus på puls og funksjonellstyrketrening. Øktene kombinerer oppvarming, uthaldstrening og styrkeøvingar, hovudsakleg med eiga kroppsvekt som belastning, men også nokre øvingar med strikk. Treninga vert tilpassa ulike nivå, slik at du kan trene ut i frå eigne føresetnader. Vi har fokus på meistring og bevegelsesglede.

Kven passar treninga for?

Vaksne som ønskjer å styrke kroppen, betre kondisjonen og oppleve meistring gjennom variert og effektiv trening, uavhengig av treningsbakgrunn.

Kvar og når?

Gymsalen på Øystre Slidre ungdomsskule. 

Tysdagar kl.16.00 - 17.00. 

Pris

Sprek og glad er gratis.

Påmelding/spørsmål

Vi har fortløpande opptak og du treng ikkje frisklivsresept. Påmelding skjer via SMS eller e-post til Maren. Tlf 469 41 295, e-post: maren.rakstad.gunderhuset@oystre-slidre.kommune.no

Om tilbodet

Trening på Helsetunet for seniorar, med rettleiing av kommunal fysioterapeut. Felles oppvarming med påfølgjande sirkel/stasjonstrening som støttar opp om din styrke, balanse og rørsleevne. Grupper på inntil 10 personar.

Kven passar det for?

Heimebuande seniorar, som startar å bli ustø, synast det er vanskeleg å reise seg i frå stol, har funksjonsnedsettelse og/eller bruker ganghjelpemiddel.

Kvar og når?

Helsetunet treningsrom. Bygdinvegen 2120, 2940 Heggenes.

Onsdagstrimmen kl.12.00 - 13.00.
Fredagstrimmen kl.10.00 - 11.00. 

Pris

Betaling etter fysioterapitakstar (fram til evt. opparbeidd frikort).

Det kan bli rekvirert drosje for dei som fyller kriteria og treng dette.

Påmelding/spørsmål

Ønskjer du å delta og/eller har spørsmål, ta kontakt med fysioterapeutane.

Ingrid (onsdagar) tlf.902 46 121, Marie (fredagar) tlf. 932 30 895.