Info kjem.

Teknisk drift jobbar med å byggje framtidig vassforsyning i kommunen. Målet er å forsyne flest mogleg av innbyggjarar og deltidsinnbyggjarar med reint vatn av høg kvalitet. Vassforsyningsområda i nord (Olevatn) og i sør (Mellsenn) skal på sikt knytast saman og gje ei høg grad av forsyningstryggleik. Eit viktig steg er etableringa av eit nytt høgdebasseng ved Nordtorp (735 moh). I  fyste omgang skal bassenget fyllast med vatn frå Olevatn. Prosjektet skal sikre tilstrekkeleg mengd sløkkjevatn til Hegge stavkyrkje og etter kvart forsyne sentrale viktige kundar i Heggenes sentrum som Helsetunet, Tingvang og ungdomsskulen i tillegg til kommunale abonnentar. Mellombels skal det vere mogleg å forsyne høgdebassenget med vatn frå både Olevatn og Mellsenn etter behov. Heile anlegget er prosjektert med sjølfall, slik at høgdebassenget leverer vatn også ved langvarig straumbrot.

Anleggsarbeidet er i gang og bassenger skal være ferdig i løpet av hausten 2026.

Øystre Slidre kommune bygger nytt reinseanlegg ved Nedrefoss. Anlegget prosjekteres med ein kapasitet på 25 000 pe og byggestart er planlagt våren 2025. Reinseanlegget skal erstatte eksisterande reinseanlegg ved Nedrefoss, og avlaste Beito reinseanlegg. På sikt vil nye Nedrefoss reinseanlegg behandle avløpsvatn frå store deler av Øystre Slidre kommune.

Arbeidet med utbetring av Tjednbakkvegen er så smått i gang langs den kommunale vegen.

Prosjektet strekker seg frå starten av Finntøppvegen i sørenden av vegen- til forbi parkeringsplassen til Beitostølen skistadion.

Vegbanen skal masseutskiftast og få asfaltdekke. Det er skal etablerast fortau langs vegen. Det blir etablert gatelys langs traseen.

Sjølve arbeidet med oppgraderinga av vegbanen skal ikkje i gang før etter påsken 2026.

Gravearbeid som blir utført i 2025 vil vera knytt til omlegging av private VA-grøfter og omlegging av EL-grøfter.

Det vil tidvis vera behov for omkøyring i prosjektet som vil bli skilta i området.

Prosjektet vil vare ut året 2026.

Kommunen vil starte eit omfattande arbeid med oppgradering av Finntøppvegen, Tjednbakkvegen og fortau ved Beitestølsvegen. Heile vegkroppen skal masseutskiftast og få nytt dekke.  

Vegbanen skal breiddeutvidast til 6 meter køyrebane, som også skal få etterlengta asfaltdekke.  Det skal etablerast fortau parallelt med vegbanen, med lyspunkt langsmed fortauet.

Fleire stikkrenner langs Finntøppvegen og Tjednbakkvegen skal skiftast ut og oppgraderast.