Planområdet
Planområdet ligg rett nordaust for Heggenes, og omfattar samla eit område på 149 daa aust for Robølsvegen. Kommuneplanens arealdel blei vedteken 11.06.2026 i kommunestyret sak 35/26. I kommuneplanen blei det sett av 27 daa til framtidig næring på Raubrøtmoen. Området omfattar både eksisterande og planlagt utviding, og består i dag hovudsakleg av skogs- og utmarksareal. Planen legg til rette for energieffektive løysingar og framtidig lokal produksjon av fornybar energi, særleg gjennom solkraft på takflater og næringsbygg. Langs Vinda er det teken omsyn til område for friluftsliv, kantvegetasjon og vassmiljø.
Føremål med planen
Føremålet med reguleringsplanen er å sikre ei føreseieleg og heilskapleg utvikling av industriområdet på Raubrøtmoen, med tilrettelegging for etablering av verksemder innanfor industri, lager og anna næringsverksemd.
Raubrøtmoen er kommunen sitt største område for industri, lager og annan arealkrevjande næringsverksemd. Eksisterande næringsområde er i stor grad utbygd, og planforslaget skal bidra til å sikre tilgang på nye næringsareal for etablering og vidareutvikling av verksemder i kommunen.
Det vart varsla oppstart av detaljreguleringsplan for Raubrøtmoen industriområde den 12.06.25. I formannskapet 17.09.2026 vart planen samrøystes vedteke lagt ut på offentleg høyring og ettersyn. Høyringsfristen er 6 veker.
Juridisk bindande dokument
Dei juridisk bindande dokumentane er plankart og føresegn.
Andre relevante dokument
- Planomtale
- Politisk vedtak
- ROS-analyse
- Trafikkanalyse
Alle journalførte dokument i saka finn du her
Planprosess
Oppstartsvarsel og fyrste behandling i formannskapet er gjennomført. Planforslaget er no lagt ut til offentleg høyring/ettersyn. Det fylgjer:
- Vurdering av merknader og eventuell justering av planforslaget. Sak til formannskapet.
- Eventuelt nytt offentleg ettersyn og ny handsaming i formannskapet, dersom vesentleg justering av planforslaget er påkrevd.
- Vedtak av plan i kommunestyret.
- Kunngjering av plan og klageadgang.
- Eventuell handsaming av klage i formannskapet og eventuelt hos Statsforvaltaren.
Merknadar
Du kan sende merknader merka med namn til planen og planID til kommunen innan 5. november 2026. Merknader merka planens namn og plan-id 202503, kan sendast på e-post til post@oystre-slidre.kommune.no eller i brev til Øystre Slidre kommune, Bygdinvegen 1989, 2940 Heggenes.
Innkomne merknader er kommunen sitt grunnlag for å endre planforslaget. Alle merknader blir vurdert og referert for politisk myndigheit. Vi svarer difor ikkje på merknader enkeltvis.
Har du spørsmål?
Ta kontakt med sakshandamar Tom Salamonsen.