Årets turmål var:
- Søre Brurskardknappen
- Skreddalsfjellet vest
- Bitihorn
- Grønekinnkampen
- Toreknatten
- Kjølafjellet nord
- Storbergtinden
- Snauehøgde
- Djupedalshøgde
- Haugehøvda
- Kjølafjellet sør
- Kalvemellen
Alle som går minst 10 turmål får premie - i år var det 217 personar.
Arrangement
Friluftslivets år vart markert med fleire arrangement knytta til Fjellstafetten. Det starta med Kickoff på Snauehøgda 22.juni, der fjellstyret og frivilligsentralen var velkomstkomité og serverte drikke og delte ut premiar til alle som tok turen dit. I juli - september vart det arrangert fellesturar til fleire av årets turmål.
Kickoff på Snauehøgde 22.06.25
Liv Vingdal
Premiar
Det er mange flotte ekstrapremiar i år (fordi det er Friluftslivets år). 10 Bergans dagstursekkar og 10 rumpetasker er gjeve av Sparebankstiftelsen Øystre Slidre. I tillegg har Valdres Friluftsråd bidrege med fleire flotte ekstrapremiar: To dagstursekkar, to hovudlykter og to teltlykter. Trekning er gjort og 26 heldige vinnarar vil få beskjed om denne ekstrapremien.
Det er som vanleg premie til alle som har gått minst 10 turmål, og alle barn som har gått minst 10 turar får ein ekstrapremie.
Det er T-skjorter til alle som har gått minst 10 toppar i fem år, 10 år, 15 år og 20 år.
Alle desse premiane kan hentast i resepsjonen på kommunehuset på Tingvang etter 15.desember.
Beste skuleklasse får ein pengepremie - i år vann 2.klasse ved Rogne skule. Premien blir delt ut på skulen før jul.
Digital registrering
Dei siste to åra har vi brukt TellTur som digital registrering. På grunn av at TellTur blir lagt ned, vil det frå 2026 bli innført eit nytt digitalt system som heiter Stikk UT. På nettsida stikkut.no kan du lese meir om dette.