Øystre Slidre kommune ønskjer å bidra ved ei flyktningekrise
I samband med at Statsministeren har uttalt i media at Norge vil ta sin del av det som ser ut til å bli ei flyktningekrise som følgje av krigen i Ukraina, har Øystre Slidre kommune i ein e-post til Utlendingsdirektoratet sendt søndag 27. februar gjeve signal om at kommunen ønskjer å bidra i denne situasjonen.
I e-posten heiter det: "Er det behov for å busetja flykningar, kan kommunen busetja fleire flykningar enn det vi er bedt om å busetje i 2022. Vi har også tilgjengeleg og tenleg bygningsmasse som på kort tid kan nyttast som flykningemottak for inntil 140 flykningar. Dette moglege mottaket ligg i Heggenes sentrum, med kort veg til butikk, offentlege tenester og kollektivtransport."
E-posten er signert ordførar Odd Erik Holden og rådmann Jostein Aanestad.
Publisert 28.02.2022 14.00