Fylkeskommunen vil setje opp fleire nye skilt og ha hyppigare tilsyn med trafikken på høgfjellsovergangen mellom Øystre Slidre og Vågå.

Innlandet fylkeskommune informerar

Når det er dårleg med snø i lågareliggande strøk, kan vi få stor trafikk av dagsturistar som vil gå ut på skitur frå Valdresflye. Dersom dei ikkje parkerer i tråd med reglane, kan dei hindre trafikken i å kome fram. Det kan vere farleg, derfor vil vi i år setje opp 14 parkeringsskilt og to informasjonsskilt, seier seksjonssjef Arne Fredheim i Innlandet fylkeskommune.

Dei 14 skilta vil vise til lovlege parkeringsplassar. I tillegg vil fylkeskommunen setje opp to informasjonstavler, som minner trafikantane på at det ikkje er lov å parkere langs vegen, der det ikkje er særskilde parkeringsplassar. 

Om alt går etter planen, og veret blir bra, blir vegen klar til opning før påske. I år vil fylkeskommunen sin entreprenør følgje ekstra godt med på trafikken og parkeringa. 

Fylkesveg 51 blir som vanleg open mellom klokka 08 og 20 alle dagane i veka den fyrste tida etter opning. Inntil vidare blir vegen nattestengd. 

Heile artikkelen kan du lese her på Innlandet fylkeskommune si nettside