Frisklivssentralen hjelper og støttar personar som ønskjer å endre levevanar knytt til fysisk aktivitet, kosthald, søvn og/eller tobakk. Ein treng ikkje ha ein diagnose elle vere sjuk for å vera deltakar ved friskliv.
Kva er ein frisklivssentral?
Frisklivssentralen er ei kommunal helseframmande og førebyggjande helseteneste, som gir tilbod om hjelp til meistring av eigen helse gjennom individuelle samtalar, kurs og grupper knytt til tema som: fysisk aktivitet, kosthald, tobakk og søvn.
Målgruppa er personar som har behov for støtte til å endre levevanar på grunn av auka risiko for sjukdom, eller som allereie har utvikla sjukdom.
Frisklivssentralen skal i tillegg fungere som eit kommunalt kompetansesenter og ein ressurs og kontaktpunkt for andre helsefremjande tilbod i kommunen.
Kven kan delta?
Alle som bur i Øystre Slidre kommune kan ta i bruk frisklivssentralen sine tilbod. Dette er eit lågterskeltilbod som passar alle som ønskjer ei endring og treng rettleiing uansett fysisk form eller føresetnad.
Kvar gjer eg for å bli med? Kvar er det?
Ta gjerne kontakt med oss på eige initiativ. Det er og mogleg at lege, anna helsepersonell eller NAV kan henvise deltakarar/deg til frisklivssentralen gjennom frisklivsresepten. Når du har fått resept tek du sjølv kontakt med oss på Friskliv.
Sjølve frisklivssentralen med treningsrom på Heggenes held til vegg i vegg med Øystre Slidre Fysioterapi. Inngang frå nedsida av bygget med nykelkort. Treningsrommet inneheld variert utstyr for trening av styrke og kondisjon, eit musikkanlegg og nyttig informasjon.
Frisklivskoordinator har kontor saman med ergoterapeut inne på Helsetunet, lokalisert til høgre frå hovudinngangen forbi kantina og Helsetunet sitt treningsrom. Helsetunet sine lokalar blir brukt til helsesamtalar.
Frisklivsresepten
Frisklivsresepten varar i 12 veker, og startar og avsluttar med ei strukturert samtale, der vi ser på moglegheiter, behov og mål for perioden/vidare.
Frisklivssamtalen er individuell og byggjer på prinsipp for motiverande samtale, ein metode som er dokumentert å vere effektiv for endring av vanar.
Deltakarar i friskliv vår tilbod om individuelle samtaler etter behov knytt til ønskja endringsområde/ tema (Kosthald, Røyk/snus slutt, søvn, fysisk aktivitet). Deltakarar kan ta i bruk helsedirektoratets sjølvhjelpsbøker etter behov og/eller i dialog med rettleiar. (Aktivitetsdagbok, matdagbok, søvndagbok, slutta boka).
Treningstilbodet ved Friskliv er moglegheit for testing og retesting av fysisk form, individuell rettleia trening i treningsrom, eigenaktivitet, samt moglegheit for å delta i ulike treningsgrupper
Tilbodet erstattar ikkje diagnosespesifikk behandling hos til dømes fysioterapeut, klinisk ernæringsfysiolog eller spesialisthelsetenesta.
Andre/supplerande tilbod
Friskliv har fleire aktive treningsgrupper og planer om å utvide tilbodet for å treffe endå fleire framover. Sjå eigen timeplan med (med timebeskriving). I tillegg til moglegheiter for eigentrening i treningsrom og aktivitetskontaktar.
Timeplan med timebeskriving finn du her (PDF, 176 kB)
Det er per no ikkje satt opp nokon gruppebaserte lærings- og meistringskurs (Bra Mat, Sov Godt, Snus og røykeslutt). Denne typen kurs blir styrt av etterspurnad.
Treningstilbod
Alle med gyldig frisklivsresept kan trene på frisklivssentralen, og får tilgang med nykelkort. Treningsrommet er reservert for gruppetimar på enkelte tidspunkt i løpet av veka, sjå eigen timeplan for rommet. Både Friskliv og Øystre Slidre Fysioterapi kan også bruke rommet på dagtid til individuell oppfølging, vis då omsyn til kvarandre.
Det er også mogleg mot eit prisgunstig beløp å trene på treningsrommet utan frisklivsresept eller etter avslutta periode.
Meir informasjon om treningsrommet på Heggenes finn du her.
Vi har som mål på sikt å kunne gje tilbod om fleire gruppebaserte lærings- og meistringskurs knytt til følgjande tema:
- Bra Mat
- Sov Godt
- Snus- og Røykeslutt
Ingen oppsette kurs per no, og hyppigheita vert styrt av etterspørsel. Meld gjerne inn din interesse, så kan det vere at vi får det på plass tidlegare.
Fallførebyggande trening
Informasjon om fallførebyggande trening finn du her på nettsida til Helse Norge
Sterk og stødig
Om tilbodet: Fallforebyggjande trening, med styrke og balansetrening for seniorar (65+) som føler seg litt ustø eller merker begynnande funksjonssvikt. Treninga fyljer ein fast mal som tek i bruk treningsprinsipp og øvingar både sitjande og ståande som gjer effekt på beinstyrke og balanse. Gruppa er leia av våre dyktige Sterk og stødig instruktørar som får oppfylging av kommunale fysioterapeutar. Etter treninga er det veldig triveleg om de tek ei lite sosialt treff med gruppa med matpakke etc.
Kven passar det for: Seniorar (65+), som bur i eigen heim, og som klarar seg så godt som utan hjelp frå kommunen. Bruker ikkje ganghjelpemiddel innandørs. Du klarer å komme deg til og frå trening på eigenhand. Prat med legen din om treninga dersom du har sjukdomar du må ta hensyn til.
Kvar og når: Vi har fire aktive grupper i kommunen som trener kvar veke i skuleruta. Gruppene våre har plass til omlag 12 personar + instruktør og krev påmelding.
Moatunet, Moavegen 11, 2940 Heggenes.
- Tysdagar kl.09:30 - 10:30.
Storsalen på Tingvang, Bygdinvegen 1989, 2940 Heggenes
- Onsdagar kl.13:00 - 14:00.
Solhaug samfunnshus, Bygdinvegen 1286, 2943 Rogne
- Onsdagar kl.11:00 - 12:00.
Beitostølen Helsesportsenter, Sentervegen 4, 2953 Beitostølen
- Torsdagar kl.12:15 - 13:15.
Pris
Tilboda er gratis.
Utstyr:
Du treng klede som er lette å bevege seg i, innesko og drikkeflaske.
Påmelding
Vi har fortløpande opptak og du treng ikkje frisklivsresept, og påmelding skjer via SMS eller e-post til Maren/frisklivskoordinator på nr.469 41 295, e-post: maren.rakstad.gunderhuset@oystre-slidre.kommune.no
Alle som har meldt seg på vil motta ein telefon frå ansvarleg fysioterapeut med nokre spørsmål om balanse og gangfunksjon.
Meir informasjon om Sterk og Stødig finn du her
Vil du bli instruktør?
Sterk og Stødig-treningsgrupper blir drifta av frivillige instruktørar, som har gjennomgått instruktørkurs og fyrstehjelpskurs. Du treng ikkje ha erfaring med grupper eller trening frå før. Dersom du har eit ynskje om å drive eigne sterk og stødig-treningsgrupper, vil du få opplæring og oppfylging av fysioterapeutar slik at du kan bli trygg på øvingane og instruktørrolla. Du vil også få tilgang til sterk og stødig materiale, med gode bilete og skildringar av treningsøvingane.
Som frivillig er det ynskjeleg at du gjennomfører ei trening i veka. Deltaking på sosialt treff i etterkant er frivillig. Friskliv/ Fysioterapeutane har ansvar for å ta imot påmelding, ordne lokale og skaffe vikarar ved behov. Ditt ansvar som frivillig instruktør er kun å møte opp og gjennomføre treninga, eller gje beskjed dersom du er borte.
Er du nysgjerrig på instruktørrolla? Ta gjerne kontakt med oss dersom du ynskjer meir informasjon eller har ynskje om å hospitere på ei av våre treningsgrupper.
Sertifisering av frivillige instruktørar
Instruktørkurset går over 3 dagar og blir leia av ansvarleg fysioterapeut i kommunen. Det vil vera to kursdagar med informasjon og praktisk øving, og ein dag med sertifisering der ein får anledning til å leie ei kort treningsøkt saman med dei andre kursdeltakarane. Dette er ei god moglegheit til å få praktisk øving før ein sjølv er ansvarleg for ei gruppe.
Før ein startar opp med eigne grupper må ein også ha gjennomført eit fyrstehjelpskurs.
Er du interessert i å vera instruktør?
Ta kontakt med friskliv og/eller ansvarleg fysioterapeut i kommunen.
Kan du tenkje deg å vere aktivitetskontakt og/eller instruktør?
Kunne du tenkje deg ein meiningsfull ekstrajobb på dagtid/ettermiddag/kveld et par timer i veka?
Nokon personar og grupper i alle aldra (Barn, Ungdom, Vaksne, Senior) har behov for støtte og motivasjon for å auke aktivitet og komma i gang med trening. Du treng ikkje være treningsekspert, men viss du er glad i aktivitet/trening, ønsker å hjelpe andre og har evne til å motivere har du eit godt utgangspunkt.
Vi i Øystre Slidre kommune ønskjer å kome i kontakt med deg som har lyst til å hjelpe andre med å kome i auka fysisk aktivitet, både i større og mindre grupper, samt individuelt. Synst du dette virka interessant?
Ta kontakt med Maren på Frisklivssentralen!
Telefon: 469 41 295
E-post: maren.rakstad.gunderhuset@oystre-slidre.kommune.no.
Instruktørkurs i Sterk og stødig 2.-4. juni
Vil du leie ei treningsgruppe for seniorar? Frisklivssentralen arrangerer instruktørkurs 2.-4.juni.
Om treningsgruppa
Sterk og stødig er eit treningstilbod for deg som er over 65 år, bur heime og kan kjenne på at du ikkje lengre har like god balanse som tidlegare.
Om instruktørkurset
Du treng ikkje ha erfaring med å vere instruktør, du får alt du treng gjennom dette kurset. Du vil bli lønna etter vilkåra som aktivitetskontakt.
Kurset blir arrangert 2.-4. juni kl.09-14 på Øystre Slidre Helsetun.
Kurshaldar er fysioterapeut Ingrid Øihaugen.
Påmelding til instruktørkurset
Har du spørsmål eller ønskjer å melde deg på kurset?
Ta kontakt med Ingrid Øihaugen, tlf 902 46 121, e-post: ingrid.oihaugen@oystre-slidre.kommune.no
Kontakt oss
Ta gjerne kontakt for meir informasjon eller avtale om helsesamtale/oppstart.
Frisklivskoordinator:
Maren Rakstad Gunderhuset, telefon: 469 41 295, e-post: maren.rakstad.gunderhuset@oystre-slidre.kommune.no
Velkomen!
Følg oss på Facebook