Helsestasjon og skulehelsetenesta

Helsestasjonen

Helsestasjons- og skulehelsetenesta er ei lovpålagt teneste til alle barn og unge i alderen 0-20 år. Tenesta jobber i eit førebyggjande perspektiv. Hovudfokus er å førebyggje sjukdom og skade, og fremme god helse hos barn og ungdom. Vi legg vekt på den fysiske, psykiske og sosiale utviklinga til barn og ungdom. Tenesta er gratis.

Helsestasjons- og skulehelsetenesta drivast etter nasjonal fagleg retningline frå Helsedirektoratet.

Helsestasjons- og skulehelsetenesta omfattar:

Helsestasjon for barn 0-5 år
Skulehelsetenesta
Helsestasjon for ungdom

Helsestasjonen finn du på Heggenes, i huset ved siden av legekontoret.

Skulehelsetenesta

Skulehelsetenesta, med helsesjukepleiar i spissen, er elevane si eige lovpålagde helseteneste. I tillegg til lovpålagde oppgåver som vaksinering, måling/veiing og helsesamtalar har tenesta kontortid på skulane slik at elevane kan ta kontakt ved behov.

Skulehelsetenesta bidreg med undervisning i grupper eller i klasser innan tema som omhandlar helse. Foreldre kan ta kontakt med skulehelsetenesta ved behov; helsesjukepleiar Tonje Bakken, tlf 958 16 166, helsesjukepleiar Christina Dygd Kvisgaard, tlf 951 61 760.

Lidar barneskule: Helsesjukepleiar Tonje er til stades onsdag og torsdag.
Rogne barneskule: Helsesjukepleiar Tonje er tilstades måndag og fredag.
Øystre Slidre ungdomsskule: Helsesjukepleiar Christina er til stades måndagar, tysdag og torsdag.

Helsesjukepleiar er tilgjengeleg i skuleferien og kan gjerne kontaktas utaom oppsette dagar.

Informasjon om skulehelsetenesta finn du her på helsenorge sin nettside

Vidaregåande skule

Skulehelsetenesta i kommunen følgjer elevane fram til overgang til vidaregåande skule.

Informasjon om skulehelsetenesta i vidaregåande skule finn du på skulen si nettside. Her finn du infomasjon frå Valdres vidaregåande skule.

Skulehelsetenesta i Øystre Slidre skal ivareta helsetilbodet til ungdom som av ulike årsakar ikkje er tilknytta den vidaregåande skulen. Ta kontakt med helsesjukepleiar i kommuen.

Helsestasjon for ungdom

Helsestasjon for barn 0-5 år

Alle barn i alderen 0-5 år får tilbod om regelmessige konsultasjoner på helsestasjonen. Helsestasjonstilbodet er gratis.

Informasjon om Helsestasjon for barn 0-5 år kan du lese her på Helsenorge sin nettside

Etter fødsel vil jordmor ta kontakt for å tilby eit heimebesøk i løpet av dei fyrste dagane etter heimkomst. Jordmor kontaktar etter besøket helsestasjonen som overtek oppfølginga.

Helsesjukepleiar vil ta kontakt med med familien og tilby heimebesøk innan 7-10 dagar etter fødselen.

Tilbodet følgjer eit standardisert program over 15 konsultasjonar dei fire fyrste leveåra, inkludert heimebesøket. Konsultasjonane er individuelle og i grupper.

Vaksinasjon

Foreldreveiledning

Foreldre og føresette kan ta kontakt og få råd og rettleiing i spørsmål som har med barn å gjera.

Turning in to KIDS - turning in to TEENS

Turning in to KIDS/TEENS er er eit foreldrerettleiingsprogram over seks gonger, for foreldre med barn frå 3 år. Her lærer du korleis forelde kan møte barna sine vanskelege kjensler på ein måte som gjer barnet rusta til å forstå og handtere sine eigne kjensler.

Informasjon om programmet finn du her (PDF, 80 kB)

Kontakt Helsestasjonen for meir informasjon og påmelding.