Det kan vera utfordrande å starta eiga bedrift, men det er og ein god premie for dei som lykkast. Kanskje ikkje berre av økonomisk art, men like mykje kjensla av å meistre og skapa noko.
Kommunen har ei avtale med Valdres næringshage om bistand og hjelp i etableringsfasa, og vi i kommunen vil svært gjerne snakke med deg, høyra om planane og gjerne koma med tips om vegen vidare.
Oppstartsfasa for ny bedrift kan vera krevjande og vi oppmodar bedrifter og gründerar til å kontakta samarbeidspartnarane våre for rådgiving og støtte både i nyetablering og i nye prosjekt.
Valdres Næringshage - verktøyet for næringsutvikling i Valdres
Valdres Næringshage er regionen sitt innovasjons- og utviklingsselskap, og fungerer som eit praktisk verktøy i næringsutviklinga. Medan kommunen tilbyr førstelinjetenesta for næringslivet, er Valdres Næringshage det faglege og operative miljøet som hjelper bedrifter og gründerar med å realisere idéar, skape vekst og styrkje berekrafta.
- Rettleiar etablerarar frå idè til forretningsplan og vidare prosess. Vi tilbyr etablerarkurs og individuell rettleiing for deg som ønskjer å starte eiga verksemd, eller som treng hjelp på vegen frå idè til etablert bedrift.
- Bidreg til bedirftsutvikling med skreddarsydd rådgiving, strategiprosessar og koplingar til relevante fagmiljø og nettverk.
- Tilbyr kompetanseutvikling gjennom kurs, seminarar og møteplassar for læring og nettverksbygging.
- Er ein naturleg samarbeidsarena for næringslivet i Valdres, der aktører møtast og utviklar nye moglegheitar saman.
Vi tilbyr også Miljøfyrtårn-sertifisering og rettleiing til andre sertifiseringsordningar.
Valdres Næringshage arbeider målretta for auka verdiskapning, innovasjon og berekraft, og medverkar til at både nye og etablerte verksemder utnyttar potensialet sitt til å skape resultat og vidare utvikling. Visjonen vår er å dele for å skape.
På nettsida vår, https://www.valdres-nhage.no/ ,finne du all informasjonen du trenger for å ta kontakt.
En vei inn
En vei inn er Innovasjon Norges nye portal for alle som har behov for hjelp til næringsutvikling.
Her kan bedrifter eller etablerere legge inn sitt behov for hjelp ein stad. IN sender deretter førespurnaden vidare til den aktøren som er best eigna til å bistå bedrifta. Dette kan vere:
- Næringskonsulent i kommunen
- Planavdelinga i kommunen
- Næringshagen
- Rådgivar i Innovasjon Norge
Dette gjer det enklare for alle som er i kontakt med bedrifta å følgje opp. Ein får tilgang til historikk og alle dokument er samla og tilgjengelege på same stad.
Mer informasjon om En vei inn
På nettsida til Valdres Næringshage finn du litt meir informasjon og innlogging til En vei inn.
For å få meir informasjon om En vei inn, ta kontakt på e-post: bente@valdres-nhage.no
Nyttige lenker
Valdres Næringshage https://www.valdres-nhage.no/
Etablererkurs Innlandet https://www.etablererkursinnlandet.no/
Innlandet fylkeskommune https://innlandetfylke.no/tjenester/naring-og-internasjonalt/
En vei inn, innlogging https://login.idporten.no/authorize/selector
Innovasjon Norge https://www.innovasjonnorge.no/
Visit Valdres https://www.valdres.no/
Valdres Natur og kulturpark https://www.valdres.no/valdres-natur-og-kulturpark
Lag og foreiningar i Øystre Slidre https://oystre-slidre.foreningsportal.no/foreninger
Filmar om andre som driv næring i Øystre Slidre https://www.youtube.com/channel/UCA3DTcRP3oOft1bZrZLXB8A