Øystre Slidre kulturskule  er eigd og blir drive av Øystre Slidre kommune. Skulen har eigne lokaler ved auditoriet på Øsus, samt dansesal og bandrom på Tingvang samfunnshus. Gymsal og formingssal på Øsus blir brukt til halling og kunstgrupper. Gapahuken og Lydkåken blir brukt til band og samspel. Vi har og litt undervisning ute på barneskulane Lidar og Rogne.

Vi har eit godt samarbeid med dei andre kulturskulane i Valdres og nokre felles lærarar. Kulturskulen følger same skulerute som grunnskulen.

Undervisning:

Undervisninga skjer på individuelle timar og i grupper.  Det vil ofte bli gjeve tilbod om samspel fram mot forestillingar. Alle elevane får tilbod om å vere med på dei store forestillingane vår og jul, og det er i tillegg fleire små konsertar, danseoppvisningar, utstillingar og andre arrangement. Både teater, folkemusikk og strykarar har regionale samlingar som inngår i undervisningsopplegget.

Vi ynskjer at våre elevar skal oppleve meistring og ha utvikling på sitt fag. Lærarane jobbar aktivt med kvalitetsarbeid for å styrke sin kompetanse på dette feltet. Elevinvolvering, tilbakemelding og riktige mål til rett tid er viktige tema i dette arbeidet. Foreldre er viktige støttespelarar for tilrettelegging og speling/øving. Alle elevar skal få tilbod om utviklingssamtaler kvart halvår.

Det er hovedopptak av nye elevar i april, og løpande opptak dersom det er ledige plassar. Ta kontakt med rektor Kari for spørsmål på 99690616

Kulturskulen har om lag 150 elevar som får undervisning kvar veke. Vi har instrumentopplæring på tangentinstrument, slagverk, langeleik, tradisjonssong, hardingfele, fiolin, sang, torader, gitar, bass og gruppeundervisning i kunstfag, dans, teater, band og kor. Undervisninga skjer enkeltvis og i grupper, og følgjer skuleruta for grunnskulen.