Arealdelen av kommuneplanen 2026-2038

Kommunestyret har i møte 26.03.2026 handsama arealdelen til kommuneplanen, og lagt føringar for vidare prosess knytt til løysing av motsegn.

Kommunestyret fatta følgjande knytt til vidare prosess:
1.    Kommunestyret sluttar seg til arealdelen av kommuneplanen 2026-2038 med tilhøyrande plankart, føresegner og retningsliner slik dette er tilrådd frå formannskapet og med dei endringane som vart vedteke i møtet.
2.    Kommunestyret viser til brev frå Statsforvaltaren dagsett 21. mars og kan ikkje akseptere Statsforvaltaren sitt framlegg til løysing av motsegna om resipientkapasitet ved å redusere omfanget av fritidsbustader i planen.
3.    Kommunestyret set ned følgjande forhandlingsutval for meklinga med Statsforvaltaren: Bjarne Budal, Odd Erik Holden, One Enerud og Tor Oxhovd.
4.    Forhandlingsutvalet skal legge brev frå kommunen til Statsforvaltaren dagsett 6. feb. 2026 til grunn for meklinga. Forhandlingsutvalet skal søke å oppnå semje med Statsforvaltaren gjennom endringar i føresegner og planomtale, og ikkje gjennom endringar i plankartet.